კეტრინ დენევმა ქალებს, რომლებიც სხვადასხვა დროს სექსუალური შევიწროების მსხვერპლები გახდნენ მოუბოდიშა. ფრანგმა მსახიობმა რამდენიმე დღის წინ აშშ-ში ქალების მიერ დაწყებული კამპანია „მეც“ დაგმო და კაცების „არშიყის უფლება“ დაიცვა. ის ერთ-ერთი ხელმომწერი იყო იმ 100 ფრანგ ქალს შორის, რომლებმაც ღია წერილით გააკრიტიკეს ეს კამპანია. დღეს კი დენევიმ დისტანცია დაიჭირა ხელმომწერთა ნაწილისგან და თქვა, რომ ის არ ეთანხმება ზოგიერთ ქალს, რომელიც ქალზე ძალადობას ნორმად მიიჩნევს.
„ბოდიშს ვუხდი მსხვერპლ ქალებს, რომლებიც ამ საშინელმა წერილმა აღაშფოთა. ბოდიში მათ და მხოლოდ მათ“, - თქვა დენევმა და დასძინა, რომ ის იმ აქტივისტთა წინა რიგებში იყო, ვინც 70-იანი წლების საფრნაგეთში აბორტის ლეგალიზებას შეუწყო ხელი.
დენევის თქმით, მისთვის მიუღებელია იმ ღია წერილზე ზოგიერთი ხელმომწერის პოზიცია, რომლებიც გაუპატიურებაში სიამოვნებას ხედავენ. ის ყოფილ პორნომსახიობსა და ტელწამყვან ბრიჯიტ ლეჰიუს გულისხმობდა, რომელმაც რამდენიმე დღის წინ თქვა, რომ ზოგიერთი ქალი გაუპატიურების დროს ფიზიკურ სიამოვნებას ღებულობს.
