ბასიანის ინციდენტში მონაწილე მიხეილ სვანიძეს ადმინისტრაციული ჯარიმა 250 ლარი დაეკისრა. როგორც თბილისის საქალაქო სასამართლოში „ლიბერალს“ უთხრეს, სვანიძე ადმინისტრაციული წესით 250 ლარით დააჯარიმეს. სვანიძე სამართალდამცავებმა 173-ე მუხლით დააკავეს, რაც სამართალდამცავთა მოთხოვნის მიმართ დაუმორჩლებლობას გულისხმობს.

დღეს თბილისის სააპელაციო სასამართლოში კლუბ „ბასიანის" თანამშრომლების დაჭრაში და პოლიციელისთვის წინააღმდეგობის გაწევაში ბრალდებული თამაზ ქვლივიძის სასამართლო პროცესი გაიმართა. თამაზ ქვლივიძეს მოსამართლე სპარტაკ პავლიაშვილმა წინასწარი პატიმრობა შეუფარდა. თბილისის საქალაქო სასამართლომ 15 იანვარს თამაზ ქვლივიძეს აღკვეთის ღონისძიების სახით 30 000 ლარის ოდენობით გირაო შეუფარდა. რის შემდეგაც პროკურატურამ საქალაქო სასამართლოს გადაწყვეტილება სააპელაციოში გაასაჩივრა. 

.