NDI-ის საზოგადოებრივი კვლევის მიხედვით, გამოკითხულ რესპონდენტთა 58%-მა იცოდა, რომ 10 დეკემბერს თბილისის საკრებულომ პუშკინის ქუჩაზე არსებული 1900 მ 2 მიწის ნაკვეთი 1 ლარად გადასცა შპს „თბილისის სითის“. გამოკითხულთა 39%-მა აღნიშნა, რომ ეს ინფორმაცია არ ჰქონდა.
ინფორმირებული 58%-დან თბილისში მცხოვრები რესპონდენტების 73%-ისთვის ფაქტი მიუღებელია, ხოლო 19%-სთვის – მისაღები.
2017 წლის 10 დეკემბერს თბილისის საკრებულომ მხარი დაუჭირა მერიის წერილობით მოთხოვნას, სიმბოლურ ფასად, 1 ლარად გადაეცათ შპს „თბილისი სითისთვის“ პუშკინის სკვერთან არსებული 1900 მ 2 მიწის ნაკვეთი. პროექტი თანაინვესტირების ფონდის მხარდაჭერით ხორციელდება, რომელიც 2013 წელს დაფუძნდა. თანაინვესტირების ფონდის დაფუძნება ყოფილი პრემირ-მინისტრის ბიძინა ივანიშვილის სახელთანაა დაკავშირებული.
ეროვნულ-დემოკრატიულმა ინსტიტუტმა (NDI) და CRRC-საქართველომ დეკემბერში ჩატარებული საზოგადოებრივი აზრის კვლევის პოლიტიკური ნაწილი წარმოადგინა. პრეზენტაცია ეხებოდა პარლამენტთან, გენდერულ თანასწორობასთან, მიმდინარე მოვლენებსა და პარტიების მხარდაჭერასთან დაკავშირებულ მიგნებებს. კვლევის საველე სამუშაოები მოიცავს 29 ნოემბერი-19 დეკემბრის პერიოდს, საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC საქართველო.
კვლევაში საშუალო ცდომილების ზღვარი არის +/- 1.9%-ია.
ფოტო: საია
