NDI-ის კვლევის თანახმად, მოსახლეობის 59%-მა არ იცის, ვინ არის მისი მაჟორიტარი დეპუტატი კანდიდატი პარლამენტში, 26% პასუხობს, რომ იცის, ხოლო 14% არასწორად პასუხობს შეკითხვას. 

თბილისის მოსახლოების 73% არ იცის, ვინ არის მათი მაჟრიტარი კანდიდატი პარლამენტში, ხოლო 9%-მა იცის.  

 პატარა ქალაქებსა და სოფლებში მოსახლეობის  47% არ იცის, თუ ვინ არის მისი მაჟორიტარი კანდიდატი პარლამენტში. 

ეროვნულ-დემოკრატიულმა ინსტიტუტმა (NDI) და CRRC-საქართველომ დეკემბერში ჩატარებული საზოგადოებრივი აზრის კვლევის პოლიტიკური ნაწილი წარმოადგინა. პრეზენტაცია ეხებოდა პარლამენტთან, გენდერულ თანასწორობასთან, მიმდინარე მოვლენებსა და პარტიების მხარდაჭერასთან დაკავშირებულ მიგნებებს. კვლევის საველე სამუშაოები მოიცავს 29 ნოემბერი-19 დეკემბრის პერიოდს, საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC საქართველო.

კვლევაში საშუალო ცდომილების ზღვარი არის +/- 1.9%-ია.