Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

Human Rights Watch: 2017 წელს ქვეყანა ნარკომომხმარებლის დასჯაზე მიმართულ პოლიტიკას ატარებდა

18 იანვარი, 2018 16:45

„საქართველო განაგრძობდა ნარკომომხმარებლების მიმართ დასჯაზე ორიენტირებული ნარკოპოლიტიკის გატარებას", - აღნიშნულია Human Rights Watch-ის მიმოხილვაში, რომელიც საქართველოს 2017 წლის მოვლენებს ეხება.

„წინა წლებთან შედარებით მონაცემების კლების მიუხედავად, საქართველო კვლავ იყენებდა ნარკოდანაშაულთან ბრძოლის მკაცრ კანონებს ნარკომომხმარებელთა სისხლისსამართლებრივი დევნისთვის იმ პირობებში, როდესაც მკურნალობის შესაძლებლობები შეზღუდული რჩება.

საკონსტიტუციო სასამართლოს 2015 წლის გადაწყვეტილების აღსრულებისთვის, რომლითაც მარიხუანის შენახვისთვის პირის დაპატიმრება არაკონსტიტუციურად ცნეს, პარლამენტმა 2017 წლის ივლისში კანონმდებლობაში შეიტანა ცვლილება, რითაც გაუქმდა პატიმრობა, როგორც სასჯელის ზომა 70 გრამამდე მარიხუანის შენახვისთვის; თუმცა პატიმრობა სასჯელის ზომად რჩება ამ ნივთიერების უფრო დიდი მოცულობით შენახვისთვის.

ნარკოდანაშაული ხშირად ისჯება არაპროპორციულად ხანგრძლივი პატიმრობით, ძალიან მაღალი ჯარიმით და სხვა უფლებების შეზღუდვით. პოლიციამ ათასობით ადამიანს იძულებითი ნარკოტესტირება ჩაუტარა და ზოგიერთ შემთხვევაში, მათი დაკავება 12 საათზე მეტ ხანს გაგრძელდა.   

ივნისში პოლიციამ ორი რეპერი, მიხეილ მგალობლიშვილი და გიორგი ქებურია, დიდი ოდენობით აკრძალული ნარკოტიკული საშუალებების უკანონოდ შეძენა-შენახვის ბრალდებით დააკავა. მგალობლიშვილი და ქებურია აცხადებდნენ, რომ პოლიციამ მათ ნარკოტიკები იმ ვიდეოკლიპის გამო ჩაუდო, რომელშიც პოლიცია გააშარჟეს. საზოგადოების აღშფოთების შემდეგ სასამართლომ ორივე დაკავებული გირაოს სანაცვლოდ გაათავისუფლა და გამოძიება დაიწყო პოლიციელთა მხრიდან სამსახურებრივი უფლებამოსილების გადამეტების შესაძლო ფაქტებზე. ამ ანგარიშის მომზადების დროისთვის ორივე გამოძიება მიმდინარეობდა", - ნათქვამია მიმოხილვაში.

მიმოხილვაში ასევე აღნიშნულია, რომ 2017 წელს შეშფოთებას იწვევდა მდგომარეობა პირადი ცხოვრების ხელშეუხებლობის, შრომის უფლებების, მედიის თავისუფლების და ლესბოსელი, გეი, ბისექსუალი და ტრანსგენდერი (ლგბტ) ადამიანების უფლებების დაცვის კუთხით.

Human Rights Watch: 2017 წელს მედიის თავისუფლება და ლგბტ თემის უფლებები პრობლემური იყო

კომენტარები

ამავე რუბრიკაში

17 აგვისტო
17 აგვისტო

გემთან, რომლის ბორტზე 17 ქართველი მეზღვა ...

"პანამის დროშის ქვეშ მცურავ გემზე Pantelena IMO 9321469, რომელიც ახდენდა ნავთობის ტრანსპორტირებას და მის ბორტზე 17 ...
17 აგვისტო
17 აგვისტო

„თბილისის აეროპორტში ირანის მოქალაქეებს ...

ირანის საგარეო საქმეთა სამინისტრომ მისი მოქალაქეების უპატივცემულოდ მოპყრობის გამო საქართველოს საგარეო საქმეთა სამინისტრო ...
17 აგვისტო
17 აგვისტო

ევკალიპტის ხის არ გადარგვის გამო სამინის ...

მწვანე კონცხიდან ევკალიპტის ხის გადატანის ვალდებულების შეუსრულებლობის გამო საქართველოს ფინანსთა სამინისტროს მომსახუ ...
^