თემქაზე მშენებარე შენობიდან 27 წლის მამაკაცი ჩამოვარდა.
როგორც „ლიბერალს" შინაგან საქმეთა სამინისტროში განუცხადეს, მომხდარზე გამოძიება სსკ-ის 240-ე მუხლის 1 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას ითვალისწინებს.
უწყებაში ამბობენ, რომ გამოძიების შედეგად დადგინდება, რა გარემოებაში მოხდა შემთხვევა.
მათი თქმით, მამაკაცი საავადმყოფოშია გადაყვანილი.
„რუსთავი 2-ის" ინფორმაციით, როგორც ობიექტის დაცვის თანამშრომლები აღნიშნავენ, რომ უსაფრთხოების ზომები მშენებარე ობიექტზე დაცულია. ისინი ვარაუდობენ, რომ დაშავებულს საქამრე გაუტყდა და ამიტომ ჩამოვარდა. ასევე, აცხადებენ, რომ შენობიდან ჩამოვარდნილ ახალგაზრდას ჩაფხუტი არ ეხურა.