საქართველოს 170 000-ზე მეტმა მოქალაქემ ისარგებლა ვიზალიბერალიზაციით და ამ შეთანხმებასთან დაკავშირებული ვალდებულებების შესრულებაც წარმატებით მიმდინარეობს - ამის შესახებ საგარეო და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა ფედერიკა მოგერინიმ პრემიერ-მინისტრ კვირიკაშვილთან ერთობლივ ბრიფინგზე განაცხადა.
მისი თქმით, საქართველოს მთავრობა მზადყოფნას გამოთქვამს, ამ პროცესს ხელი შეუწყოს და ყველა შესაძლო გამოწვევას უპასუხოს.
„ჩვენს ხალხებს შორის ახლო ურთიერთობა ძალიან მნიშვნელოვანია. როცა ჩვენი ხალხი ხვდება, ეკონომიკის, ტურიზმისა თუ ინტერპერსონალური ურთიერთობის მეშვეობით, შესაძლებლობები იხსნება როგორც ევროკავშირის ისე საქართველოსთვის" - თქვა მოგერინიმ.
მისი თქმით, მეტ ქართულ პროდუქტს ხედავს ევროკავშირის ბაზარზე.
„ჩვენ უკვე ვართ საქართველოს ნომერ პირველი სავაჭრო პარტნიორი და 2017 წლის პირველი 9 წლის განმავლობაში ევროკავშირში საქართველოდან ექსპორტი 37%-ით გაიზარდა" - თქვა მოგერინიმ.