„ნაციონალური მოძრაობა“ ქონებრივი დეკლარაციების შესწავლას მოითხოვს აუდიტის სამსახურისგან. თბილისის საკრებულოს ფრაქცია „ერთიანი ნაციონალური მოძრაობის” წევრმა, ლევან ხაბეიშვილმა დღეს აუდიტის სამსახურს განცხადებით მიმართა.
„მნიშვნელოვანია, აუდიტის სამსახურმა დაადგინოს, საიდან მოიტანა კვირიკაშვილის მამამ 120 ათას ლარი მაშინ, როდესაც თავად პრემიერის შემოსავალი წლიდან წლამდე არის 51 000 ლარი. ასევე მნიშვნელოვანია, რომ 2016 წელს პრემიერმა გადაიხადა ბანკის ვალდებულება 200 000 ლარზე მეტი, როდესაც მის ოჯახს მთლიანად შემოსავალი ჰქონდა 83 ათასი ლარი“, - ამბობს ხაბეიშვილი.
„ლიბერალმა“ 5 თებერვალს მოამზდა მასალა, სადაც ნათქვამი იყო, რომ დეკლარაციის მიხედვით, 2017 წელს პრემიერს მამამ 50 000 დოლარი აჩუქა. საქართველოს პრემიერ-მინისტრმა, გიორგი კვირიკაშვილმა, დეკლარაცია 2018 წლის 31 იანვარს განაახლა.
