Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ნარკოპოლიტიკის კანონპროექტის განხილვის ვადამ 3 კვირით გადაიწია

12 თებერვალი, 2018 17:23

საქართველოს პარლამენტის ბიუროს გადაწყვეტილებით, ნარკოპოლიტიკის კანონპროექტის განხილვის ვადამ 3 კვირით გადაიწია.

აღნიშნული წინადადება ბიუროს სხდომაზე იურიდიულ საკითხთა კომიტეტის თავმჯდომარის მოადგილემ, დავით მათიკაშვილმა დააყენა.

„ნარკოპოლიტიკის კანონპროექტის საკომიტეტო მოსმენის განხილვის ვადა ხვალ იწურება. ამ საკითხთან დაკავშირებით შექმნილი სამუშაო ჯგუფი ძალიან აქტიურად ეწევა კონსულტაციებს აღმასრულებელ ხელისუფლებასთან ერთად ყველა დაინტერესებულ ჯგუფთან. სამწუხაროდ, მოცემული ვადა  არ აღმოჩნდა საკმარისი ამ საკითხის ბოლომდე დასამუშავებლად. შეთანხმებულია ყველა კომიტეტთან, დაინტერსებულ პირებთან, ინიციატორებთან, რომ  განხილვის ვადა 3 კვირით გადაიდოს“, - განაცხადა მათიკაშვილმა.

იურიდიულ საკითხთა კომიტეტის თავმჯდომარის, ეკა ბესელიას თქმით, იურიდიული კომიტეტი ელოდება უწყებათაშორისი კომიიის შედეგად მიღებულ შეჯერებულ პოზიციას.

„მზად ვართ, რომ ეს დამატებითი დრო იყოს გამოყენებული იმისთვის, რომ საბოლოო პოზიცია შეჯერდეს პრინციპებთან დაკავშირებით და როგორც კი შეჯერდება, კომიტეტი მზად არის დაიწყოს განხილვა“, - განაცხადა ბესელიამ.

პარლამენტში ივნისში „ნარკოპოლიტიკის ეროვნული პლატფორმის“ ავტორობით მომზადებული კანონპროექტი დარეგისტრირდა, რომელიც ყველა სახის ნარკოტიკის მოხმარების და მცირე ოდენობით ფლობის დეკრიმინალიზებას ითვალისწინებს. პროექტში ასევე ადეკვატურადაა გაწერილი ნარკოტიკული საშუალებების ოდენობები. კანონპროექტს თან ახლავს სამკურნალო-სარეაბილიტაციო პროგრამების განვითარების კონცეფციაც.

დეკემბერში, პარლამენტის ჯანდაცვის კომიტეტმა კანონპროექტს პრინციპების დონეზე მხარი დაუჭირა.

კომენტარები

ამავე რუბრიკაში

14 აგვისტო
14 აგვისტო

ოკუპირებულ აფხაზეთში რუსი სამხედროების მ ...

ოკუპირებულ აფხაზეთში, ქალაქ გუდაუთაში რუსი და აფხაზი სამხედროების ერთობლივი წვრთნა გაიმართა, მეშვიდე სამხედრო ბაზის, შავ ...
14 აგვისტო
14 აგვისტო

საბაჟო გამშვებ პუნქტებში 9 480 ღერი არად ...

საბაჟო გამშვებ პუნქტებში „წითელ ხიდსა და „სარფში საქართველოს ფინანსთა სამინისტროს შემოსავლები ...
14 აგვისტო
14 აგვისტო

პროკურატურამ სამსახურებრივი გულგრილობის ...

ქვემო ქართლის საოლქო პროკურატურის თანამშრომლებმა სამსახურებრივი გულგრილობის ბრალდებით, ტყის მცველი დააკავეს. პროკურ ...
^