ადვოკატმა გელა ნიკოლეიშვილი ამბობს, რომ თავდამსხმელი დაქირავებული ქილერი იყო, რომელიც დოდო გუგეშაშვილს მიუგზავნეს.
„თავდამსხმელმა საერთო ნაცნობი დაუსახელა, შეხვდა რამდენჯერმე კონტაქტის დამყარების მიზნით და როგორც აღმოჩნდა, ეს იყო დაქირავებული ქილერი იმიტომ, რომ ყოველგვარი შეკამათების, ან რაღაც გაუგებრობის გარეშე, უბრალოდ ამოიღო იარაღი და სამზარეულოში მდგარს ესროლა”, – ამბობს ადვოკატი.
ადვიკატის თქმით, დოდო გუგეშაშვილმა ზუსტად არ იცის თავდამსხმელის ნამდვილი გვარი და სახელი, თუმცა შეუძლია ამოცნობა.
დოდო გუგეშაშვილს და მის შვილს რამდენიმე დღის წინ დაესხნენ თავს. ნოდარ გუგეშაშვილი ადგილზე გარდაიცვალა, დოდო გუგეშაშვილი კი საავადმყოფოში გადაიყვანეს, სადაც გადაუდებელი ოპერაცია ჩაუტარდა. დღეს გახდა შესაძლებელი დოდო გუგეშაშვილის დაკითხვა.
