საქართველოს ყოფილმა პრეზიდენტმა და უკრაინული პარტიის, „ახალ ძალთა მოძრაობის" ლიდერმა, მიხეილ სააკაშვილმა ვარშავაში პირველი პრესკონფერენცია გამართა. სააკაშვილის განცხადებით, ის პოროშენკოსა და ოლიგარქიული რეჟიმის წინააღმდეგ მასობრივ აქციებს გეგმავს.
„უახლოეს კვირაში ევროპაში ისეთივე აქტიური ვიქნები, როგორიც ვიქნებოდი უკრაინაში ყოფნის შემთხვევაში. უკრაინაში - პირიქით მდევნიდნენ, მითვალთვალებდნენ, შინაპატიმრობა მომისაჯეს. აქ კი, ევროპაში, თავისუფალი ვარ, თავისუფალი სააკაშვილი თქვენთვის უფრო საშიში იქნება, პეტრო ალექსეევიჩ... მინდა, ვთქვა, რომ თანამედროვე ტექნოლოგიების, კომუნიკაციის საშუალების პირობებში, პეტრო პოროშენკოს ეს მცდელობები უკრაინისგან ჩემი იზოლირებისა, უსუსური მცდელობებია.
მე დარწმუნებული ვარ, ჩვენ ერთად მოვახერხებთ მასობრივი გამოსვლების ორგანიზებას და სახლში გავისტუმრებთ ოლიგარქებს. დიახ, ისინი ძლიერები არიან, დიახ, ისინი ადვილად არ დათმობენ ძალაუფლებას, მაგრამ როცა უამრავი ხალხი გამოვა, მათ არავინ ჰკითხავს, უნდათ თუ არა წასვლა, ამის გაკეთება მოუწევთ. მე ვიმუშავებ ევროპარლამენტარებთან, ჩვენ შევადგენთ „მაგნიტსკის სიის“ მსგავს სიას უკრაინელი ოლიგარქებისთვის,“ - განაცხადა „რუსთავი 2-ის“ ცნობით მიხეილ სააკაშვილმა ვარშავაში გამართულ ბრიფინგზე.
მიხეილ სააკაშვილი უკრაინის საემიგრაციო სამსახურის თანამშრომლებმა კიევში გუშინ დააკავეს და სპეცრეისით პოლონეთში გაამგზავრეს.
როგორც TCH-ს გავრცელებულ მასალშია ნათქვამი, მიხეილ სააკაშვილი რეადმისიის საშუალებით გაიყვანეს ქვეყნიდან და დააბრუნეს იმავე ქვეყანაში, საიდანაც ის უკრაინაში შემოვიდა.
TCH: სააკაშვილი პოლონეთში დააბრუნეს
სააკაშვილი: ივანიშვილი არის ქვეშაფსია, ლაჩარი და არ მესმის, როგორ უთმენთ აქამდე