,,გახადე შრომა უსაფრთხო'' - საქართველოს პროფკავშირების გაერთიანებამ და ახალგაზრდული მოძრაობამ, დღეს თბილისში, მეტროსადგურ რუსთაველთან სააგიტაციო აქცია გამართა და ხელმოწერები შეაგროვა ხელისუფლებისთვის წარსადგენ პეტიციაზე - უსაფრთხო შრომის უზრუნველყოფის მოთხოვნით.

"აღსანიშნავია, რომ შრომის ინსპექციის გაუქმებიდან დღემდე, საქართველოს მასშტაბით საწარმოო უბედური შემთხვევის შედეგად გარდაცვლილია 450 მდე ადამიანი და დაშავებულია 800 ზე მეტი მუშა. უკონტროლოდ მიტოვებული დასაქმების სფერო დასაქმებულთა სასაკლაოდაა ქცეული.

კანონპროექტი კი რომლის განხილვასაც საპარლამენტო კომიტეტი უახლოეს დღეებში გეგმავს, არ შეესაბამება ნაკისრ საერთაშორისო ვალდებულებებს და შსო-ს #81 ე კონვენციას. ის მთავარი პრინციპებისგან დაცლილია და არ არის აღჭურვილი კონკრეტული, მათ შორის სანქცირების მექანიზმებით.

ჩვენ ვითხოვთ უსაფრთხო შრომას - შემოგვიერთდით!", - წერია პროფკავშირების განცხადებაში. 

ფოტო: გაერთიანებული პროფკავშირები