გლდანის #8 დაწესებულებაში ყელგამოჭრილი პატიმრის ჯანმრთელობის მდგომარება ამ დრომდე მძიმეა და ის ღუდუშაურის სახელობის კლინიკაშია გადაყვანილი. ამის შესახებ ინფორმაციას „რუსთავი 2“ ავრცელებს.
იურისტ არჩილ ჩოფიკაშვილის თქმით, გამოძიება მიმდინარეობს სსკ-ის 115-ე მუხლით, რაც თვითმკვლელობამდე მიყვანას გულისხმობს, თუმცა ადგილზე ვერ იპოვეს ნივთი, რითაც დაზიანება მოხდა, ეს ეჭვქვეშ აყენებს ვერსიას, თვითმკვლელობის მცდელობის შესახებ. ჩოფიკაშვილის თქმით, პატიმრის მდგომარეობა არასაიმედოა.
„ერთ-ერთ საკანში ღამით იპოვეს ყელგამოჭრილი პატიმარი, რომელიც უგონოდ იყო და გამომძიებლის განცხადებით, ის დაუყოვნებლივ გადაიყვანეს ღუდუშაურის კლინიკაში. გუშინ ოჯახის წევრებს უკვე კლინიკაში განუცხადეს, რომ საკმაოდ არასაიმედოა ვითარება მისი სიცოცხლის გადარჩენის მხრივ. მერე, როცა ოჯახი დეტალებით დაინტერესდა, აღმოჩნდა, რომ მიუხედავად იმისა, სუიციდს ვარაუდობს გამოძიება და სსკ-ის115 მუხლით არის დაწყებული გამოძიება, რაც თვითმკვლელობამდე მიყვანას გულისხმობს, ადგილზე ვერ იპოვეს ის საგანი, რომლითაც დაზიანება იყო მიყენებული, რაც თვითმკვლელობის ვერსიას საეჭვოს ხდის“, - განაცხადა არასამთავრობო ორგანიზაციის „კონსტიტუციის 42-3 მუხლის“ იურისტმა არჩილ ჩოფიკაშვილმა.