ტელეკომპანია „რუსთავი 2“-ის დამფუძნებლებმა: დავით დვალმა და ჯარჯი აქიმიძემ ადვოკატთან ერთად პრესკონფერენცია გამართეს. დამფუძნებლების თქმით, მათ „რუსთავი 2-ის“ წილი ძალით დაათმობინეს, რის შესახებაც გამოძიება მიმდინარეობს, მაგრამ არ სრულდება. ხოლო ხანდაზმულობის ვადის გამო ჩნდება შესაძლებლობა, რომ მათ საქართველოში სამართლებრივი ბრძოლის ყველა ბერკეტი დაკარგონ.
„გაისად, დაახლოებით ერთი წლის შემდეგ, თუ პროკურატურა არ წაუდგენს ბრალს ვინმეს, ვინც გამოიკვეთ,ა რომ არის დანაშაულის ჩამდენი, ჩვენ გაგვდის ხანდაზმულობის ვადა, რაც ნიშნავს იმას, რომ ვკარგავთ ყველა ბერკეტს შიდა ინსტანციებში სამართლებრივი გზით ვიბრძოლოთ.“ - თქვა პრესკონფერნციაზე „რუსთავი 2-ის“ დამფუძნებელმა დავით დვალმა.
თუ ერთი წლის განმავლობაში რეაგირება არ იქნება, სამაუწყებლო კომპანიის დამფუძნებლები ევროკონვენციის მე-13 მუხლის საფუძველზე სტრასბურგის სასამართლოსთვის მიმართვას გეგმავენ.
აღნიშნულ საქმეზე ამჟამად გამოძიება შეცვლილი კვალიფიკაციით, უფლებამოსიძლების გადამეტების მუხლით მიმდინარეობს.
ბარათაშვილი: „რუსთავი 2-ის" საქმეში სხვა პირებთან ერთად სააკაშვილიც ფიგურირებს