თბილისში, ბუაჩიძის ქუჩაზე საცხოვრებელ კორპუსში ხანძარი გაჩნდა. ძლიერი დაკვამლიანების შედეგად 10 ადამიანი მოიწამლა, რომლებიც საავადმყოფოში გადაიყვანეს, მათ შორის 5 ბავშვია. 

საგანგებო სიტუაციების მართვის სააგენტოში აცხადებენ, რომ საერთო ჯამში მაშველებმა 20 ადამიანის ევაკუაცია განახორციელა. ხანძარი ამ დროისთვის ლიკვიდირებულია. 

სანზონის მაჟორიტარი დეპუტატის, ალექსანდრე ხუჯაძის თქმით, ოჯახი, რომლის სახოვრებელი სახლიც დაიწვა, სასტუმროში განთავსდება.