ბერლინის 68-ე კინოფესტივალი ამერიკელი რეჟისორის, უეს ანდერსონის ანიმაციური ფილმით: „ძაღლების კუნძული“ გაიხსნა. ბოლო წლებში ანდერსონს უკვე მეორედ ერგო ბერლინალეს გახსნის პატივი, თანაც ამჯერად ისტორიული პრეცედენტი შექმნა: ანიმაციით აქამდე არცერთი მსგავსი ფორმატის ფესტივალი არ გახსნილა.
ფილმი იაპონიის ერთ-ერთ კუნძულზე, ნაგავსაყრელზე მცხოვრები ძაღლების სევდიან და ამავდროულად სასაცილო ისტორიას მოგვითხრობს. კუნძულზე გარიყულ ძაღლებს ბილ მიურეი, ედვარდ ნორტონი, ტილდა სვინტონი, სკარლეტ იოჰანსონი, ბრაიან კრენსტონი, იოკო ონო და სხვა მსახიობები ახმოვანებენ. რამდენიმე მათგანი ფილმის პრემიერას და პრეს კონფერენციასაც დაესწრო.
პრეს კონფერენციის დასაწყისში მსახიობებმა ფილმიდან პატარა მუსიკალური ნაწყვეტიც შეასრულეს. როგორ ანდერსონმა აღნიშნა, მას დიდი ხანია უნდოდა როგორც ძაღლების თემის, ისე იაპონური კულტურის გაცოცხლება თავის ნამუშევარში და ამ ფილმით ორივე სურვილი აისრულა.
მასალა მომზადებულია ფონდ "ღია საზოგადოება-საქართველოს" მხარდაჭერით
