აღმაშენებლის გამზირზე, ე.წ. მიხაილოვის საავადმყოფოში წუხელ ხანძარი გაჩნდა.
საგანგებო სიტუაციების სააგენტოში ამბობენ, რომ დამწვარია შენობის 1500კვ/მ ფართობი. ადგილზე მუშაობდა 21 სახანძრო-სამაშველო ჯგუფი და 100 მეხანძრე-მაშველი. მათი რამდენიმესაათიანი მუშაობის შედეგად ხანძარის ლოკალიზება მოხერხდა.
საგანგებო სიტუაციების სააგენტოში ამბობენ, რომ არც შენობაში და არც მიმდებარედ ინციდენტის დროს არავინ იმყოფებოდა, შესაბამისად, ადამიანების ევაკუირების საჭიროება არ გამხდარა.
ხანძრის გამომწვევი მიზეზი ჯერ ცნობილი არაა, დაწყებულია გამოძიება სისხლის სამართლის კოდექსისი 188-ე მუხლით.