"ჩვენთვის გასაკვირიც კია, რომ ეს თემა ახლა გახდა საყურადღებო. "ევროპულმა საქართველომ" თავიდანვე ცხადი გახადა, რომ მზადაა ითანამშრომლოს ყველა პროდასავლურ პარტიასთან. ეს კი განსაკუთრებით მნიშვნელოვანია რეგიონებში - სადაც საარჩევნო სისტემისა და არსებული პოლიტიკური გარემოს გამო ხელისუფლება განსაკუთრებით ძლიერიცაა და აგრესიულიც". - უთხრა "ლიბერალს" ირაკლი კიკნაველიძემ, "ევროპული საქართველოს" პრესსპიკერმა. 

შეგახსენებთ, რომ ჩოხატაურის საკრებულოში ახალი ფრაქცია "გაერთიანებული ოპოზიცია ჩოხატაურისთვის" ყალიბდება, რომლის ორი წევრი "ევროპული საქართველოდან" ხოლო ერთი - 'ნაციონალური მოძრაობიდან" იქნება. ამის შესახებ ინფორმაცია პირველად „გურიანიუსმა“ გაავრცელა. 

"ჩვენ დემოკრატიულ პარტიებს შორის თანამშრომლობა მიგვაჩნია ქართული ოცნების წინააღმდეგ ბრძოლის ეფექტურ გზად. ჩვენ მზად ვართ ვითანამშრომლოთ სხვა აქტიურ ადამიანებთანაც, რომლებიც შესაძლოა ისეთ პარტიებშიც კი იყვნენ რომლებიც ჩვენთვის პრონციპულად მიუღებელია, თუ ისინი დატოვებენ პარტიას და გაიზიარებენ ჩვენს შეხედულებებსა და პრინციპებს" - ამბობს კიკნაველიძე.

"ევროპული საქართველო"  "ერთიან ნაციონალურ მოძრაობას" 2016 წლის საპარლამენტო არჩევნების შემდეგ გამოეყო და პარლამენტში 21 მანდატი მიიღო. თვითმმართველობის არჩევნებში კი მათ მეორე - მესამე ადგილები, შესაბამისად, 17,08% და 10,4% -ით გაიყვეს.