საქართველოში გვარის შეცვლის წესი მკაცრდება - შესაბამისი საკანონმდებლო ცვლილებების პროექტზე მუშაობა იუსტიციის სამინისტრომ უკვე დაასრულა.
„საქართველოს არაკეთილსინდისიერი მოქალაქე ამით სარგებლობს, როცა ერთი გვარით ჩაიდენს შენგენის სივრცეში დანაშაულს, შემდეგ ბრუნდება საქართველოში, მიიღებს ცოლის გვარს ან ბებიის გვარს და შემდეგ ამ გვარის პასპორტით შედის შენგენის ზონაში. ჩვენ ამას აღვკვეთთ სწორედ ამ წესების გამკაცრებით" - უთხრა წულუკიანმა ჟურნალისტებს.
მისი თქმით, გვარის შეცვლის წესი გასამკაცრებელია, რადგან სამინისტრო სხვადასხვა საკონსულოებიდან და საელჩოებისგან წერილებს იღებდნენ, რომ ამით არაკეთილსინდისიერი მოქალაქეები სარგებლობდნენ.