მწერალთა სახლის სამეთვალყურეო საბჭომ გამოავლინა ჟურნალები, რომლებსაც კულტურის და სპორტის სამინისტრო 2018 წელს დააფინანსებს. გამარჯვებული გამოცემებია საბავშვო ლიტერატურული ჟურნალი - „დილა“ და ლიტერატურული ჟურნალები „არილი“ და „ახალი საუნჯე“.
„მწერალთა სახლის“ ინფორმაციით, მათ კონკურსი ლიტერატურული ჟურნალებისთვის დაფინანსების მოსაპოვებლად წელს 31 იანვარს გამოაცხადეს. „სულ შემოვიდა ხუთი განაცხადი. საბავშვო ჟურნალების კონკურსზე წარდგენილი იყო ერთი ჟურნალი: „დილა“. ლიტერატურული ჟურნალების კონკურსზე - ოთხი ჟურნალი: „არილი“; „ცისკარი“, „ლიტერატურული პალიტრა“, „ახალი საუნჯე“, - წერს მწერალთა სახლი.
მწერალთა სახლის სამეთვალყურეო საბჭოს შემადგენლობაში რატი ამაღლობელი, ლევან ბერძენიშვილი, ზვიად კვარაცხელია, თინა მამულაშვილი, ზვიად რატიანი, ხათუნა ცხადაძე და ბესო ხვედელიძე შედიან.