დემირელის კოლეჯის ხარისხის მართვის მენეჯერმა, მუსტაფა ემრე ჩაბუქმა დაცვის სახელმწიფო პროგრამაში ჩართვის მოთხოვნით პროკურატურას წერილობით მიმართა. ჩაბუქის განცხადებით, მას საფრთხე ემუქრება, რაზეც ხმამაღლა და დაწვრილებით ვერ ისაუბრებს, თუმცა საჭიროებას ხედავს, რომ ცოლ-შვილის მსგავსად, თავადაც ჩართონ სახელმწიფო დაცვის პროგრამაში.
„საზოგადოებისთვის ცნობილია, რომ ჩემი დაპატიმრების შემდეგ მეუღლისა და შვილების მიმართ დაიწყო მუქარის შემცველი გზავნილები, რის გამოც მათ სიცოცხლეს საფრთხე დაემუქრა. მადლობელი ვარ, რომ საქართველოს მთავრობამ, შესაბამისმა ორგანოებმა უყურადღებოდ და დაუცველად არ დატოვეს ისინი და ჩართეს სახელმწიფო დაცვის პროგრამაში. ეს ფაქტი მე საპატიმროში დიდ სულიერ ძალას მაძლევდა და მამშვიდებდა. ამით ვგრძნობდი ქართული სახელმწიფოს თანადგომას. დღეს, მიუხედავად ჩემი გათავისუფლებისა, მეც და ჩემი ოჯახიც ისევ რთულ მდგომარეობაში ვიმყოფებით. რა სახის საფრთხე შეიძლება იყოს, ამაზე ხმამაღლა და დაწვრილებით ვერ ვისაუბრებ. შესაბამის სამსახურს ვთხოვ, კიდევ ერთხელ გამოიჩინოს გულისხმიერება და ჩემს ოჯახთან ერთად, გარკვეული დროით მეც ჩამრთონ დაცვის სახელმწიფო პროგრამაში“, - განაცხადა ჩაბუქმა
