დაავადებათა კონტროლის ეროვნულ ცენტრში C ჰეპატიტის ელიმინაციის მეხუთე ეროვნული სამუშაო შეხვედრა გაიმართა. შეხვედრაზე C ჰეპატიტის ელიმინაციის პროგრამის მიღწევებზე, გამოწვევებსა და პროგრამის გაუმჯობესების გზებზე ისაუბრეს.
„ჩვენი გათვლებით, დარჩენილია 100 ათასი ადამიანი, რომელმაც არ იცის, რომ ეს დაავადება აქვს და ამიტომ, დიდი მნიშვნელობა აქვს, ერთი მხრივ, საინფორმაციო კამპანიას და ასევე, რაც ყველაზე პრაგმატულია ე.წ. სკრინინგულ კვლევებს“,- განაცხადა შრომის, ჯანმრთელობის და სოციალური დაცვის მინისტრმა, დავით სერგეენკომ.
მინისტრმა მოუწოდა ყველას, უფასო სკრინინგში ჩაერთონ და მკურნალობის ეტაპები გაიარონ.