Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

პოეტი ამბობს, რომ სახელმძღვანელოს პროექტში მისი ლექსი შეცვლილი გამოაქვეყნეს

13 მარტი, 2018 11:03

პოეტი ვასო გულეური ამბობს, რომ მისი ლექსი „ლუკას რუკა“ სახელმძღვანელოს პროექტში შეცვლილი სახით გამოაქვეყნეს.

საუბარია სამინისტროს მიერ საჯარო განხილვისთვის გამოტანილ სახელმძღვანელოს პროექტზე, რომელსაც ჯერ გრიფი არ აქვს მინიჭებული. სახელმძღვანელო ამ ეტაპზე დაბეჭდილი არ არის, შესაბამისად ჯერჯერობით უცნობია გამომცემლობა, რომელიც აღნიშნულ სახელმძღვანელოს დაბეჭდავს. 

როგორც ვასო გულეურმა „ლიბერალს“ უთხრა, „ლუკას რუკასთან", ერთად  მისი სხვა ლექსებიც ზოგი შეცვლილი სახით, ზოგი კი სხვა ავტორის მითითებითაა გამოქვეყნებული. 

პოეტმა  უკვე მისწერა განათლებისა და მეცნიერების სამინიტროს ამ პრობლემების შესახებ და რეაგირებას ელოდება. 

 

ეს კი ლექსის ორიგინალი ვერსიაა: 

ლუკას რუკა

მოუტანა მამამ ლუკას 
საქართველოს დიდი რუკა.

უთხრა: რამდენიმე ფერით 
აქ ხატია ყველაფერი. 

დაიხსომებ, იოლია, – 
თეთრად – კავკასიონია, 

ლურჯი ფერით – შავი ზღვა და 
ტბები, წყლები დაიხატა, 

მწვანდ არის დაბლობები, 
ყავისფრად კი – დიდი მთები, 

ეს წრეები, ეს ლაქები – 
სოფლები და ქალაქები. 

გადასწია თავი უკან 
და უცქერის რუკას ლუკა: 

- ათასფერად მოხატულა
მინდორ-ველი, მთა და მდელო.
რუკაზეც კი ლამაზია
ეს პატარა საქართველო!

საქართველოს განათლებისა და მეცნიერების სამინისტრომ  საჯარო  სკოლების I-VI კლასებისათვის ახალი სახელმძღვანელოების  შერჩევის ანუ გრიფირების პროცესი დაიწყო. საჯარო განხილვის განხილვა მარტიდან დაიწყო. განხილვა მიმდინარეობს ელექტრონული პორტალის მეშვეობით: grifireba.emis.ge

სამინისტრო სასკოლო სახელმძღვანელოების საჯარო განხილვას იწყებს

კომენტარები

ამავე რუბრიკაში

19 დეკემბერი
19 დეკემბერი

დონალდ ტრამპი სალომე ზურაბიშვილს პრეზიდე ...

აშშ-ის პრეზიდენტი დონალდ ტრამპი საქართველოს პრეზიდენტს სალომე ზურაბიშვილს პრეზიდენტად არჩევას ულოცავს.  წერილში ნა ...
19 დეკემბერი
19 დეკემბერი

სირიის კონფლიქტი: აშშ სირიიდან ჯარის გაყ ...

BBC ამერიკულ მედიაზე დაყრდნობით წერს, რომ აშშ სირიიდან ჯარების გაყვანისთვის ემზადება.  პრეზიდენტი დონალდ ტრამპი Tw ...
19 დეკემბერი
19 დეკემბერი

ადვოკატი: კირკიტაძეს თავდებში 30-მდე დეპ ...

„ერთიანი ნაციონალური მოძრაობის" წევრ დავით კირკიტაძეს თავდებში 30-მდე დეპუტატი უდგება - ამის შესახებ კირკიტაძ ...
^