ყოველწლიური ლიტერატურული პრემია „საბას“ მონაწილეთა სია გამოქვეყნდა. სიის მიხედვით, 2018 წელს პრემიის მოპოვებას სხვადასხვა ნომინაციაში გამომცემლების მიერ წარდგენილი 107 წიგნი ეცდება. გამოქვეყნებულ ჩამონათვალს დაემატება მხოლოდ „ქართული ნაწარმოების უცხოური თარგმანის“ ნომინაცია.

ლიტერატურული პრემია „საბა“ 2003 წლიდან გაიცემა. პრემიის დამფუძნებლები არიან „თიბისი“ ბანკი და პენ-ცენტრი. მისი მიზანია გასული წლის ლიტერატურული პროცესების შეფასება და წლის საუკეთესო წიგნებისა და ავტორების გამოვლენა. 

პრემიაზე, როგორც წესი, გასულ წელს წიგნად გამოცემული ყველა ორიგინალური ლიტერატურული ნაწარმოები (რომანი, პროზაული კრებული, პოეტური კრებული, პიესა) განიხილება, ასევე უცხოური ნაწარმოების ქართული თარგმანი, ლიტერატურული კრიტიკისა და დოკუმენტური პროზის ნიმუშები. 
ლიტერატურული პრემია „საბა“ შემდეგ ნომინაციებში გაიცემა:

დააკლიკეთ ბმულს და შემოგვიერთდით "ლიბერალის" ლიტერატურულ კლუბში, ფეისბუქზე:

1. წლის საუკეთესო რომანი

2. წლის საუკეთესო პოეტური კრებული

3. წლის საუკეთესო პროზაული კრებული

4. წლის საუკეთესო პიესა

5. წლის საუკეთესო ლიტერატურული დებიუტი

6. წლის საუკეთესო ლიტერატურული კრიტიკა

7. წლის საუკეთესო ესეისტიკა და დოკუმენტური პროზა

8. უცხოური ნაწარმოების საუკეთესო ქართული თარგმანი

9. ქართული ნაწარმოების საუკეთესო უცხოური თარგმანი

10. საუკეთესო ელექტრონული წიგნი

11. პრემია „საბა“ ლიტერატურის განვითარებაში შეტანილი განსაკუთრებული წვლილისათვის

იხილეთ სრულია სია: