CIDA -ს გამგეობის ერთ-ერთი წევრი, კახა მაღრაძე, ზვიად დევდარიანის შესახებ facebook-გვერდზე პოსტს აქვეყნებს. შეგახსენებთ, რომ ზვიად დევდარიანი ქალთა მოძრაობამ 17 მარტს ქალების შევიწროებასა და ძალადობაში ამხილა. დევდარიანი ბრალდებებს უარყოფს და ამბობს, რომ ქალთა მოძრაობა აშანტაჟებს და ის არასოდეს ყოფილა მოძალადე.
„ვიღაცებმა დაწერეს, რომ „ჯეპრა" ზვიად დევდარიანის ანტიკრიზისულ ჯგუფს მართავდა და კამპანიას აკეთებდა და ამასაც მინდა გამოვეხმაურო. „ჯეპრა" არაფერ შუაში იყო, მე ვედექი მას გვერდით ბოლომდე და ვცდილობდი, რომ მისი კარიერის დასასრული ნაკლებად დამანგრეველი ყოფილიყო მისთვის და ოჯახისთვის. მეგონა, რომ კარგ საქმეს ვაკეთებდი, მაგრამ გუშინ, ალბათ, ყველაზე ბოლოს, მეც გავიგე სიმართლე, რაც თან პირადად მე მეხებოდა..." - წერს კახა მაღრაძე.
ამავე პოსტში ის ბოდიშსს უხდის „სიდელებს“ რომ თავის დროზე არ მიხედა ამ ამბავს.
„ჩავატარებთ გამგეობის სხდომას და ყველაფერი დალაგდება!"
როგორც ცნობილია, CIDA-ს გამგეობა უახლოეს დღეებში სხდომას გამართავს, რომელზეც დევდარიანის ორგანიზაციიდან წასვლის თაობაზეც იმსჯელებს.