მსოფლიოში უკანასკნელი მამრი ჩრდილოელი თეთრი მარტორქა მოკვდა. სიკვდილის მიზეზი კი მისი რამდენიმეთვიანი ავადმყოფობა იყო. ინფორმაციას BBC მარტორქის მომვლელებზე დაყრდნობით ავრცელებს.
45 წლის მარტორქა სახელად სუდანი, კენიაში ცხოვრობდა. ასაკთან დაკავშირებული გართულებების გამო მისი დაძინება გადაწყვიტეს.
სუდანის სიკვდილის შემდეგ ცოცხალი დარჩა მხოლოდ ორი მდედრი ჩრდილოელი თეთრი მარტორქა - სუდანის შვილი და შვილიშვილი.
მარტორქა სუდანის გენეტიკური მასალა ორშაბათს შეაგროვეს, რათა სცადონ სახეობის გადარჩენა.
„ადამიანის გულგრილობის სასტიკი სიმბოლოა სუდანის სიკვდილი და ეს ყველასთვის სამწუხაროა, ვინც მას იცნობდა“, - ამბობს იან სტესკალი, ჩეხეთის ზოოპარკის წარმომადგენელი, სადაც სუდანი 2009 წლამდე ცხოვრობდა.
It is with great sadness that Ol Pejeta Conservancy and the Dvůr Králové Zoo announce that Sudan, the world’s last male northern white rhino, age 45, died at Ol Pejeta Conservancy in Kenya on March 19th, 2018 (yesterday). #SudanForever #TheLoneBachelorGone #Only2Left pic.twitter.com/1ncvmjZTy1
— Ol Pejeta (@OlPejeta) March 20, 2018