შსს-მ „ქართული მარშის" წევრ სალღო სადღობელაშვილის მიმართ „რუსთავი 2-თან" მომხდარი ინციდენტის საფუძველზე სისხლისსამართლებრივი დევნა დაიწყო.

უწყების ინფორმაციით, სადღობელაშვილი დაკავებულია კოდექსის 239-ე მუხლის მე-2 ნაწილის „ა“ ქვეპუნქტით, რაც გულისხმობს ხულიგნობას წინასწარი შეთანხმებით, ჯგუფის მიერ. 

დანაშაული 2-დან 5 წლამდე თავისუფლების აღკვეთას ითვალისწინებს.

„ამავე საქმეზე სამართალდამცველების კითხვებს გუშინდელი დაპირისპირების მონაწილე პირები: მ.ა. ვ.ს. ი.დ. და გ.ო. ამ წუთებში პასუხობენ" - ნათქვამია შსს-ს განცხადებაში. 

ფოტო: Ipress.ge