Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ლუკაშენკო: მიყვარს საქართველო. თბილისში მეორედ ვარ, ადრე სოხუმშიც ვიყავი

22 მარტი, 2018 18:09

თბილისში პრეზიდენტის რეზიდენციაში გიორგი მარგველაშვილთან შეხვედრისას ბელორუსის პრეზიდენტმა საქართველოზე ისაუბრა. ალექსანდრე ლუკაშენკოს თქმით, ის მსოფლიოს ბევრ ქვეყანაში ყოფილა, მაგრამ საქართველოში ჩამოსვლა მისთვის განსაკუთრებულია.

„თბილისში მეორედ ვარ, ადრე სოხუმში მომიწია ჩასვლა. სამწუხაროდ, ახლა სოხუმში ვერავინ მიდის. შესანიშნავი მხარეა. ჩემი საყვარელი მხარეა. ამიტომაც ყოველთვის მოწიწებით ჩამოვდივარ იმის მოლოდინით, რომ აქ გულთბილი და წესიერი ხალხი დამხვდება, როგორც ბელარუსში არიან ისეთები.“ - განაცხადა ბელურუსის პრეზიდენტმა.

ლუკაშენკოს თქმით, ქართველები საბჭოთა კავშირის დროს მის ქვეყანაში ძალიან უყვარდათ. განწყობა არც ახლა შეცვლილა და ორ ქვეყანას შორის თანამშრომლობა კიდევ უფრო გაღრმავდება. „ბელარუსს არ აქვს დახურული თემები საქართველოსთან თანამშრომლობაში. ჩვენ ყოველთვის ვდგამთ ნაბიჯს საქართველოსთან თანამშრომლობის კუთხით. ამიტომ, ვფიქრობ, მივაღწევთ წელს 200 მილიონის ოდენობის სავაჭრო ბრუნვას“, - განაცხადა ალექსანდრე ლუკაშენკომ.

ორი ქვეყნის ხალხს შორის მეგობრულ ურთიერთობაზე ისაუბრა საქართველოს პრეზიდენტმაც. მისი თქმით, ეს არის მაგალითი იმისა, თუ როგორ უნდა იმუშაონ ქვეყნებმა თავიანთი მოქალაქეების საკეთილდღეოდ.

„ამ ვიზიტის მნიშვნელობას ისიც უსვამს ხაზს, რომ ჩვენ გავაფორმებთ სხვადასხვა შეთანხმებას, მათ შორის ჩარჩო შეთანხმებას, რომელიც უახლოესი ათწლეულების განმავლობაში ბელარუსი-საქართველოს ურთიერთობების განვითარებას განსაზღვრავს. გმადლობთ პირადი მეგობრობისთვის და იმისთვის, რასაც თქვენ საქართველოსა და ქართველებისთვის აკეთებთ”, - მიმართა მარგველაშვილმა ბელორუსის პრეზიდენტს.

ფოტო: პრეზიდენტის ადმინისტრაცია

კომენტარები

ამავე რუბრიკაში

16 დეკემბერი
16 დეკემბერი

შსს: ვიდეოების შესწავლისა და მოწმეების გ ...

„პოლიცია შეისწავლის თითოეული ინციდენტის ამსახველ ვიდეოკადრებს, ასევე გამოიკითხებიან  მოწმეები, ...
16 დეკემბერი
16 დეკემბერი

ვიდეო► აქციის მონაწილე ხის კენწეროზე საქ ...

თელავისკენ მიმავალ გზაზე საპროტესტო აქციის მონაწილე ხის კენწეროზე ავიდა. იგი საქართველოსა და უკრაინის დროშებს აფრიალებს. ...
16 დეკემბერი
16 დეკემბერი

ომბუდსმენი შსს-ს: მომიტინგეთა გადაადგილე ...

საქართველოს სახალხო დამცველი მოუწოდებს შსს-ს უზრუნველყოს მომიტინგეთა შესაძლებლობა, გადაადგილდნენ თავისუფლად თელავის მიმა ...
^