პარლამენტმა საზოგადოებრივი მაუწყებლის საბჭოს წევრობაზე უმცირესობის კვოტით წარდგენილ კანდიდატს, ნინია კაკაბაძეს მხარი არ დაუჭირა. (11 მომხრე, 40 წინააღმდეგი)
პარლამენტმა საზოგადოებრივი მაუწყებლის ბორდის ორი ახალი წევრი აირჩია.
კერძოდ, აჭარის ავტონომიური რესპუბლიკის კვოტით წარდგენილმა კანდიდატმა, ბესიკ ლილუაშვილმა პარლამენტის დეპუტატთა ხმების უმრავლესობა (101) მიიღო.
უმცირესობის კვოტით ნინია კაკაბაძე იყო წარდგენილი. ჟურნალისტმა ნინია კაკაბაძემ ვერ მოიპოვა პარლამენტის მხარდაჭერა.
უმრავლესობას სამი კანდიდატი ჰყავდა წარდგენილი სამეურვეო საბჭოს წევრობაზე. ესენი იყვნენ: ია მამალაძე, ზაზა შათირიშვილი და მალხაზ ასლამაზაშვილი.
პარლამენტის მხარდაჭერა ზაზა შათირიშვილმა მიიღო.
ვაკანტურია სახალხო დამცველის კვოტით ასარჩევი კანდიდატის ადგილი საზოგადოებრივი მაუწყებლის ბორდში.
ომბუდსმენის კვოტით ასარჩევ კანდიდატზე კონკურსი გამოცხადდება. კონკურსის გამოცხადების ვადები ჯერ ცნობილი არაა.