პარლამენტმა, მიუხედავად იმისა, რომ დევდარიანმა კანდიდატურა მოხსნა, მას კენჭი დღევანდელ სხდომაზე მაინც უყარა.
პარლამენტის თავმჯდომარის განცხადებით, ოფიციალურად დევდარიანს არ მიუმართავს პარლამენტისთვის კანდიდატურის მოხსნის თაობაზე და ამიტომ მისი კანდიდატურა კენჭისყრაზე დააყენეს.
ამის მიუხედავად, პარლამენტმა საზოგადოებრივი მაუწყებლის საბჭოს წევრობაზე ზვიად დევდარიანის კანდიდატურას სამმა პარლამენტარმა დაუჭირა მხარი.
ესენი არიან: ემზარ კვიციანი, გრიგოლ მიქელაძე და გიგა ბუკია.
„ლიბერალმა“ ემზარ კვიციანს დაუსვა კითხვა თუ რატომ დაუჭირა დევდარიანს მხარი.
„დევდარიანია და იმიტომ, მეტი რა გითხრათ. რა თქმა უნდა, გვარის გამო დავუჭირე მხარი. დევდარიანი მყავს ბავშვის ნათლია. არ მიმეცა ხმა ?!" - უთხრა ლიბერალს კვიციანმა.
გვარი და სოლიდარობა - ვინ რატომ დაუჭირა მხარი ზვიად დევდარიანს
ზვიად დევდარიანი სახალხო დამცველმა საზოგადოებრივი მაუწყებლის სამეურვეო საბჭს წევრობის კანდიდატად დაასახელა, თუმცა, 17 მარტს „ქალთა მოძრაობამ” გაავრცელა განცხადება, სადაც საუბარი იყო, რომ ზვიად დევდარიანი მხილებულია სექსუალური შევიწროების ათამდე შემთხვევაში.
იმავე დღეს მან საზოგადოებრივი მაუწყებლის სამეურვეო საბჭოს წევრის კონკურსში თავისი კანდიდატურა მოხსნა.
