რჩილ ტატუნაშვილი არის მოკლული, - ამის შესახებ შინაგან საქმეთა მინისტრმა გიორგი გახარიამ სოფელ წილკანში ჟურნალისტებს განუცხადა. მან დღეს ტატუნაშვილის ოჯახს მიუსამძიმრა. 

"გამოძიება მიმდინარეობს. ახლა ჩვენი ძირითადი ამოცანაა გამოძიება. ამ ეტაპზე ყველაზე მნიშვნელოვანია ექსპერტიზის მონაცემები, რომლის შემდგომაც გამოძიება აქტიურ ფაზაში გადავა. დღეს ჩვენ ველოდებით ექსპერტიზის მონაცემებს, რომელიც სამხარაულის ბიურომ დასკვნის სახით უნდა გადმოგვცეს. ამას გარკვეული დრო დასჭირდება", - განაცხადა გახარიამ.

არჩილ ტატუნაშვილის ცხედარი ცხინვალიდან საქართველოს ხელისუფლების მიერ კონტროლირებულ ტერიტორიაზე რამდენიმე დღის წინ გადმოასვენეს.

არჩილ ტატუნაშვილის გადმოცემა წითელი ჯვრის კომიტეტის მეშვეობით მოხდა. ტატუნაშვილის ცხედარი ექსპერტიზა ჩაუტარდა.

არჩილ ტატუნაშვილი ახალგორიდან 22 თებერვალს გაიტაცეს. 23 თებერვალს კი სამხრეთ ოსეთის დე ფაქტო რესპუბლიკის უშიშროების კომიტეტმა განაცხადა, რომ ის დაკავების შემდეგ გულის უკმარისობით ცხინვალის საავადმყოფოში გარდაიცვალა.

სახალხო დამცველისათვის მიწოდებული ინფორმაციით, არჩილ ტატუნაშვილი ცხინვალის საავადმყოფოში უკვე გარდაცვლილი მიიყვანეს და სამედიცინო პერსონალის შეფასებით, დაზიანებები მიანიშნებდა, რომ იგი ნაცემი იყო. 

არჩილ ტატუნაშვილის სამხედრო პატივით ხვალ მუხათგვედის სასაფლაოზე დაასაფლავებენ.