პირველი არხის ჟურნალისტი გიორგი ზურაბიშვილი ფეისბუქზე ახალ სქრინებს ასაჯაროებს, საიდანაც ჩანს რომ ყალბი ექაუნთებიდან ფსიქოლოგიური ზეწოლა ამჯერად მის მეუღლეზე ხორციელდება. 

შეგახსენებთ, რომ გიორგი ზურაბიშვილმა, რომ სხვადასხვა Facebook-ანგარიშიდან მუქარის შემცველი შეტყობინებები მამუკა ბერძენიშვილის შესახებ facebook პოსტის გამოქვეყნების შემდეგ მიიღო.

მამუკა ბერძენიშვილს რამდენიმე დღის წინ  თბილისის საქალაქო სასამართლომ 2,027447 გრამი MDMA-ს ფლობისთვის 8 წლით თავისუფლების აღკვეთა მიუსაჯა. ამის შესახებ კი ინფორმაცია სოციალურ ქსელში გიორგი ზურაბიშვილმა გაავრცელა.

„შენ ახლა ფრთხილად იყავი, თორე იმდენს ბღავიხარ, რო მაგათ ამოუჯდები გვერდზე“, მოკეტე, გეყოფა, თვალთვალია შენზე უკვე“, „შენ განახებ სტრუქტურა როგორია. მერე როგორ მოგეხმარება კომენტები მეგობრებს მაგასაც ვნახავ“...“ , - წერია ზურაბიშვილის მიერ ადრე გასაჯაროებულ სქრინებში.

როგორც „ლიბერალს" შსს-ში განუცხადეს, გენერალური ინსპექცია ზურაბიშვილს უკვე დაუკავშირდა და სამინისტრო მზადაა, მიიღოს ყველა საჭირო ზომა, ყველა შესაძლო კანონდამრღვევის იდენტიფიცირებისა  და დასჯისთვის.

2,027447 გრამი ნარკოტიკული საშუალება MAMA-ს ფლობისთვის მამუკა ბერძენიშვილს 8 წლით თავისუფლების აღკვეთა მიესაჯა.