პრეზიდენტმა არჩილ ტატუნაშვილი ღირსების ორდენით დააჯილდოვა. ამის შესახებ მან მუხათგვერდის ძმათა სასაფლაოზე განაცხადა, სადაც რამდენიმე წუთის წინ ტატუნაშვილი სამხედრო პატივით დაკრძალეს.
შეგახსენებთ, რომ ტატუნაშვილი ახალგორიდან 22 თებერვალს გაიტაცეს. 23 თებერვალს კი სამხრეთ ოსეთის დე ფაქტო რესპუბლიკის უშიშროების კომიტეტმა განაცხადა, რომ ის დაკავების შემდეგ გულის უკმარისობით ცხინვალის საავადმყოფოში გარდაიცვალა. საქართველოს ხელისუფლება ამ ვერსიას არ იზიარებს.
არჩილ ტატუნაშვილის ცხედარი ცხინვალიდან 20 მარტს გადმოასვენეს. მინისტრ სოზარ სუბარის თქმით, ქართველი ჯარისკაცი ნაწამებია.
