Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ფოტო► ნაკადულად ქცეული თერგი

29 მარტი, 2018 12:41

Facebook-ში მომხმარებელი იაგო კაზალიკაშვილი მდინარე თერგის ფოტოებს ავრცელებს. ფოტოებზე ჩანს, რომ თერგის დინება მნიშვნელოვნად შემცირებულია და ის ნაკადულივითღა მოედინება.

სპეციალისტების განმარტებით, აღნიშნული გამოწვეულია დარიალის ჰესით, რომლის პროექტი ითვალისწინებს მდინარის წყლის უდიდესი ნაკადის - 90%-ის სადერივაციო არხსა და გვირაბში გადაგდებას; მდინარე თერგის დაახლოებით 8 კმ სიგრძის კალაპოტი, პრაქტიკულად, წყლის გარეშე რჩება. 

„მწვანე ალტერნატივის" შეფასებით, 11 კმ სიგრძის დარიალის ხეობის 8 კმ-იან მონაკვეთზე რადიკალურად შეიცვლება ლანდშაფტი და ხეობა დაკარგავს ისტორიულად ჩამოყალიბებულ კულტურულ-ეთნოგრაფიულ ფასეულობას და ტურისტულ მნიშვნელობას.

„სწორედ ეს არის 10%, რაც რჩება. როდესაც ჩვენ ვსაუბრობდით, რომ ეს არის მიუღებელი და 10% არანაირად არ იქნებოდა საკმარისი, გარემოს დაცვის სამინისტრო გვარწმუნებდა საპირისპიროში. ახლა კი ხომ გამოჩნდა, რამდენია 10%. სულაც არ გჭირდება იყო ექსპერტი, რომ მიხვდე, ეკოსისტემის გადარჩენაზე საუბარიც კი ზედმეტია", - ამბობს „ლიბერალთან" საუბრისას „მწვანე ალტერნატივის" წარმომადგენელი დათო ჭიპაშვილი.

დარიალჰესი 2017 წლის 8 აპრილს გაიხსნა.

აღსანიშნავია, რომ გარემოზე ზემოქმედების შეფასების (გზშ) ანგარიში კომპანია „გამა კონსალტინგის" მიერ არის მომზადებული. საქართველოში დაგეგმილი ჰესებიდან უმრავლეს  ნაწილზე გზშ-ს ანგარიში სწორედ აღნიშნულმა კომპანიამ მოამზადა. 

კომენტარები

ამავე რუბრიკაში

24 მაისი
24 მაისი

იუსტიციის უმაღლესი საბჭოს მიერ გამწესებუ ...

იუსტიციის უმაღლეს საბჭოში, მოსამართლეობის მსურველი კანდიდატების შესარჩევი კონკურსის კენჭისყრა დასრულდა. იუსტიციის უ ...
24 მაისი
24 მაისი

გიორგი ჭელიძეს 3 წლითა და 6 თვით პატიმრო ...

„საქართველოს ეროვნული ერთობის“ წევრს, გიორგი ჭელიძეს სამი წლითა და ექვსი თვით თავისუფლების აღკვეთა მიესაჯა. ...
24 მაისი
24 მაისი

სექსუალურ შევიწროებაში დადანაშაულებული ლ ...

სექსუალურ შევიწროებაში დადანაშაულებული ბათუმის უნივერსიტეტის ლექტორის საქმეზე მუხლი დამძიმდა. შსს-ს ცნობით, გამოძიება ს ...
^