ეკონომისტი, „ახალგაზრდა ფინანსისტთა და ბიზნესმენთა ასოციაციის“ ანალიტიკოსი ანდრია გვიდიანი ამბობს, რომ  მესტიაჭალა ჰესის გარემოზე ზემოქმედება პრაქტიკულად მინიმუმამდეა დაყვანილი. რადგან აღნიშნული ჰიდროელექტროსადგური მოდინებაზე მუშაობს. "აქედან გამომდინარე, მრჩება შთაბეჭდილება და მგონია, რომ ჰესის მშენებლობის წიააღმდეგ მიმართული პროტესტი ხელოვნურად არის წამოწეული. მსგავსი პროტესტის მომსწრე ბევრჯერ ვყოფილვართ სხვადასხვა სადგურებთან მიმართებაში" აცხადებს ანდრია გვიდიანი 

„მესტიაჭალა ჰესის ექსპლუატაციაში გაშვება 50 000 ოჯახის უწყვეტ ელექტრომომარაგებას ნიშნავს. ჰესის მშენებლობა უკვე 1 წელია მიმდინარეობს და როგორც ვიცით ადგილობრივი მოსახლეობის მხრიდან არანაირ წინააღმდეგობას ადგილი არ ქონია. დღეს მოსახლეობის გარკვეული ჯგუფის მხრიდან პროტესტი შეკითხვებს აჩენს. ნებისმიერი ახალი ჰესის მშენებლობა სასიცოცხლოდ მნიშვნელოვანია ენერგოსექტორის განვითარებისთვის.

სხვა უპირატესობებთან ერთად, ჰესებისგან ელექტროენერგიის მიღების ტექნოლოგია ჯერჯერობით ყველაზე იაფია. ეს ფაქტორები, ჰიდროენერგეტიკული რესურსების ათვისების კუთხით, საქართველოს ენერგეტიკული სისტემის განვითარების სტრატეგიულობას კიდევ ერთხელ ადასტურებს”, - განაცხადა ეკონომისტმა ანდრეა გვიდიანმა გაზეთ რეზონანსთან ინტერვიუს დროს.