დაბა ჯვარში ფიცრის უკანონო და შენიღბული ტრანსპორტირების ფაქტი გამოვლინდა. ინფორმაციას გარემოსდაცვითი ზედამხედველობის დეპარტამენტი ავრცელებს.
„წალენჯიხის მუნიციპალიტეტში, დაბა ჯვარში გაჩერებული სატვირთო ავტომანქანის ძარის ქვედა ნაწილში არსებულ ე.წ. სამალავში 1,4 მ3 წიწვოვანი სახეობის ფიცარი იყო განთავსებული. სამეგრელო-ზემო სვანეთის რეგიონული სამმართველოს თანამშრომლებს, მძღოლმა ვერ წარმოუდგინა დოკუმენტაცია.
ავტომანქანა და პირველადი გადამუშავების პროდუქტი - ფიცარი დაილუქა. მასალები შემდგომი რეაგირების მიზნით, შესაბამის სამართალდამცავ უწყებაში გადაიგზავნება“,- ნათქვამია უწყების მიერ გავრცელებულ განცხადებაში.