ახალციხის რაიონული სამმართველოს თანამშრომელი ძმასთან ერთად სასამართლოს განჩინების საფუძველზე დააკავეს - ინფორმაციას „სამხრეთის კარიბჭე“ ავრცელებს.
სამმართველოს თანამშრომელს ცოლის ცემაში ედება ბრალი, მის ძმას კი - რძლის ცემაში.
საქმის მასალების მიხედვით, ორივე მათგანი არაფხიზელ მდგომარეობაში იმყოფებოდა.
შემთხვევა 9 აპრილს მოხდა. 13 აპრილს კი მათ აღკვეთის ღონისძიებად პატიმრობა შეეფარდათ.
ერთ-ერთ ძმას ბრალი სისხლის სამართლის კოდექსის 126-ე პრიმა მუხლის მეორე ბ ქვეპუნქტით ედება, მეორეს კი – 126-ე მუხლის პირველი პრიმა ნაწილის ა და გ ქვეპუნქტებით.