Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

კალაძე: გამოვედით იმ მდგომარეობიდან, როცა ერთი ადამიანის გემოვნებით ხდებოდა ყველაფერი

16 აპრილი, 2018 14:56

„პატარა ბავშვები ხომ არ ვართ, რომ ერთმანეთს გავუბრაზდეთ" - ასე პასუხობს თბილისის მერი კახა კალაძე ჟურნალისტების შეკითხვას, არის თუ არა პრემიერ-მინისტრი გიორგი კვირიკაშვილი გაბრაზებული პარლამენტის თავმჯდომარე ირაკლი კობახიძეზე. 

მერის თქმით, „ქართულ ოცნებაში" არავითარი დაპირისპირება არ არის და უმრავლესობა არ დაიშლება. კალაძის კომენტარს IPN ავრცელებს:

„რა ბრაზზე ვსაუბრობთ, პატარა ბავშვები ხომ არ ვართ, რომ ერთმანეთს გავუბრაზდეთ და ასეთი დამოკიდებულება იყოს გუნდში. არის მსჯელობა, ეს ნორმალური პროცესია. შეიძლება აზრთა სხვადასხვაობა იყოს სხვადასხვა საკითხზე, ესეც ნორმალური პასუხია. ჩვენ გამოვედით იმ მდგომარეობიდან, როდესაც ერთ ადამიანზე იყო ყველაფერი მორგებული და ერთი ადამიანის გემოვნებით ხდებოდა ყველაფერი ქვეყანაში: პროექტების განხორციელება, დიზაინი, ოჯახების შექმნაც კი. ასე რომ, მადლობა ღმერთს, ჩვენ გამოვედით ამ მდგომარეობიდან, ქვეყანაში არის დემოკრატია, ვაშენებთ დემოკრატიულ სახელმწიფოს, რომელიც დემოკრატიულ ინსტიტუტებზე იქნება დაფუძნებული" - ამბობს კალაძე. 

ტელეკომპანია „რუსთავი 2-ის“ ეთერში, „შაბათის კურიერში“ გავიდა მიმოწერის „სქრინი“ პრემიერ გიორგი კვირიკაშვილსა და პარლამენტის თავმჯდომარე ირაკლი კობახიძეს შორის. გავრცელებული მიმოწერა „ქართულ ოცნებაში“ არსებულ დაპირისპირების საილუსტრაციოდ გასაჯაროვდა. 

სიუჟეტში საუბარია, რომ პრემიერის პერსონალური გზავნილი, რომლის ადრესატიც პარლამენტის თავმჯდომარე იყო, მმართველი პარტიის დეპუტატების საერთო ჩათში გაიგზავნა. გიორგი კვირიკაშვილი მესიჯში ფრაქცია „ქართული ოცნების“ თავმჯდომარეს, მამუკა მდინარაძესაც, ახსენებს.

პრემიერი მესიჯში კობახიძეს წერს, რომ მისი არც ერთი მოსაზრება არ იყო გაზიარებული, რაც მისთვის სამწუხაროა. 

უმრავლესობის დეპუტატი კვირიკაშვილისა და კობახიძის ურთიერთმიმოწერის ნამდვილობას ადასტურებს

კომენტარები

ამავე რუბრიკაში

20 თებერვალი
20 თებერვალი

ქართულ მხარეს სურს, იუნესკომ ქართული ტოლ ...

​საქართველოს პრეზიდენტი სალომე ზურაბიშვილი, საფრანგეთში ვიზიტის ფარგლებში, UNESCO-ს გენერალურ მდივანს ოდრი აზულს შეხვდა. ...
20 თებერვალი
20 თებერვალი

„ქართული მარში" აცხადებს, რომ ის ფიზიკურ ...

„ქართული მარში" აცხადებს, რომ ის ფიზიკურად არ დაუშვებს, გეი ფესტივალის, გეი აღლუმის ჩატარებას", - ა ...
19 თებერვალი
19 თებერვალი

პარლამენტმა შრომის უსაფრთხოების შესახებ ...

78 მომხრე, არცერთი წინააღმდეგი - პარლამენტმა მესამე მოსმენით მხარი დაუჭირა საკანონმდებლო პაკეტს, რომლის მიხედვით, &bdquo ...
^