Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

სასულიერო სემინარიის სტუდენტები „აიისას“ წინააღმდეგ აქციას გამართავენ

17 აპრილი, 2018 11:47

სასულიერო სემინარიის სტუდენტი გიგა ძამუკაშვილი განცხადებას ავრცელებს, რომელშიც საუბარია, რომ სასულიერო აკადემიის სტუდენტები ქართული პრეზერვატივების ბრენდის „აიისას“ წინააღმდეგ აქციას გამართავენ. 

„თბილისის სასულიერო სემინარია-აკადემიის სტუდენტები ორგანიზებას ვუწევთ სტუდენტურ აქციას, რომლითაც ვაპროტესტებთ კომპანია „აიისას“ ქართველი ერისა და ქრისტიანული საზოგადოების ეროვნული და რელიგიური გრძნობების შეურაცხმყოფელ საქმიანობას.

კერძოდ: მათ მიერ წარმოებულ პრეზერვატივებზე წმინდანების და წმინდა დღესასწაულების გამოსახვას, ასევე დღესასწაულებთან დაკავშირებული ბილწი ხუმრობებისა და სადღესასწაულო ქრისტიანული სიმბოლოების პრეზერვატივის შეფუთვაზე დატანას, ეროვნული, კულტურული და ისტორიული ფასეულობების დაცინვასა და შეურაცხყოფას.

აქციის მიზანია: დაიგმოს აღნიშნული ქმედებები, წარმოვაჩინოთ საზოგადოების ჯანსაღი აზრი, ჩვენი საზოგადოება, განსაკუთრებით კი, ახალგაზრდა თაობა, რომელთა ღირებულებითი ღერძი ჯერ კიდევ არ არის სრულად ჩამოყალიბებული, დავიცვათ რელიგიური და ეროვნული ფასეულობებისადმი ნიჰილიზმისაგან. ამ აქციას მიეცეს პრევენციული დატვირთვა, მომავალში, მსგავსი, მანკიერი ქმედებების აღსაკვეთად. 

აქციის ორგანიზატორებმა კურთხევა გამოვითხოვეთ, საქართველოს კათოლიკოს-პატრიარქ ილია მეორესაგან და ვმოქმედებთ მისი კურთხევის ქვეშ,“ - წერია განცხადებაში. 

როგორც განცხადებაშია ნათქვამი, მდუმარე სტუდენტური აქცია ხუთშაბათს, 19 აპრილს, გაიმართება რუსთაველის გამზირზე. 

კომენტარები

ამავე რუბრიკაში

20 მარტი
20 მარტი

ქალბატონი თინა ბევრ უსაფუძვლო განცხადებე ...

„მე ის ნამდვილად ვიცი, რომ ქალბატონი თინა ძალიან ბევრ უსაფუძვლო განცხადებებს აკეთებს და ამავე დროს ის ძალიან ...
20 მარტი
20 მარტი

„გამოუშვით უდანაშაულო ადამიანები“ - პროკ ...

„გამოუშვით უდანაშაულო ადამიანები“ - პროკურატურასთან პირადი ცხოვრების ამსახველი ფარული ჩანაწერების საქმეზე და ...
20 მარტი
20 მარტი

„ჩემს სისტემაშიც მოიტანა რამდენიმემ ცნობ ...

„ჩემს სისტემაშიც ყოფილა რამდენიმე თანამშრომელი, რომელმაც მოიტანა ცნობა, რომ მე „გირჩის“ მიმდევარი ვარო ...
^