კანის კინოფესტივალის პროგრამაში Shoot the book შერჩეულ 10 ნაწარმოებს შორის აკა მორჩილაძის რომანი „Obole“ მოხვდა - ინფორმაცია „ლიბერალს“ „ბაკურ სულაკაურის გამომცემლობის საავტორო უფლებების მენეჯერმა, მიხეილ ციხელაშვილმა დაუდასტურა.
ციხელაშვილის თქმით, ყოველწლიურად პროგრამაში მონაწილეობის მისაღებად 300-მდე გამომცემელი აგზავნის განაცხადს, აქედან 10 წიგნს პროგრამის ფიჩინგზე წარსადგენად არჩევენ.
„Obole“ საერთაშორისო კინოინდუსტრიის წარმომადგენლების წინაშე 15 მაისს წარდგება.
ქართული წიგნის ეროვნული ცენტრის ინიციატივითა და ორგანიზებით, კანის კინოფესტივალზე ქართული ლიტერატურული ნაწარმოებები ქართველმა გამომცემლებმა გასული წლის ნოემბერში წარადგინეს.
