„შემოტანილი განცხადება არ შეიცავდა ინფორმაციას იმის შესახებ, რომ ვინმეს სიცოცხლეს ან ჯანმრთელობას ემუქრებოდა საფრთხე. ის არ შეიცავდა დანაშაულის ნიშნებს და იგი საერთოდ არ შეიცავდა ინფორმაციას, რომ შესაძლოა, მოძალადე საშიში ყოფილიყო იმ გოგონასთვის, რომლის მკვლელობაც მან განახორციელა“,- ამის შესახებ „პალიტრანიუსის“ ეთერში შსს-ს ადამიანის უფლებათა დაცვის დეპარტამენტის უფროსმა, ლონდა თოლორაიამ განაცხადა.
მისი თქმით, აღნიშნულმა ფაქტმა კიდევ ერთხელ აჩვენა, რომ მოქალაქემ ძალადობის შემთხვევაში სამართალდამცავ უწყებებს დროულად უნდა მიმართოს და ამასთან, სრულად აღწეროს ფაქტის სიმძიმე.
13 აპრილს ბარნოვის ქუჩაზე 25 წლის გოგო მოკლეს. მისი ოჯახის წევრების განცხადებით, გარდაცვლილის დედამ შსს-ს მიმართა, რომ ვეფხია ბაქრაძე მასზე ძალადობდა და ემუქრებოდა. თუმცა, მათი თქმით, სამართალდამცველებმა მხოლოდ შემაკავებელი ორდერი გასცეს.
