ძველი იპოდრომის მიმდებარედ, ცინცაძე-კარტოზიას ქუჩების გადაკვეთაზე მერია ახალი სატრანსპორტო ესტაკადის აშენებას აპირებს. ესტაკადის მშენებლობისთის 2 მლნ 700 ათასი ლარია გამოყოფილი და 5 თვეში დასრულდება.
რატომ ეწინააღმდეგებიან ძველ იპოდრომთან ესტაკადის მშენებლობას
ესტაკადის მშენებლობას მოქალაქეების პროტესტი მოჰყვა. ორგანიზაციამ „იარე ფეხით“ გუშინ, 19 აპრილს თბილისის მერიის შენობის წინ საპროტესტო აქცია გამართა.
►LIVE „ვიმოქმედოთ იპოდრომის გადასარჩენად“ - თბილისის მერიასთან საპროტესტო აქცია იმართება
ესტაკადის შესახებ მოძრაობა „SOS იპოდრომი“ ვიდეოს აქვეყნებს, რომელიც მათი თქმით, ტრანსპორტის სპეციალისტების მონაწილეობით მომზადდა.
„ქალაქ თბილისის მერიის მიერ გამოქვეყნებული ბრჭყვიალა და არანაირ კვლევაზე დაყრდნობილი ვიდეო რგოლის სანაცვლოდ გთავაზობთ ტრანსპორტის სპეციალისტების მიერ რეალური ნაკადების შესწავლით და სხვა პარამეტრების გათვალისწინებით სიმულირებულ ვიდეო რგოლს. პროგნოზი დაყრდნობილია პარამეტრების ზრდის მინიმალურ სცენარზე:“
