აგარის მეშაქრეების ინფორმაციით, კომპანიის წარმომადგენლები მთავრობის წევრებს ხვდებიან. აქციის მონაწილეები შეხვედრიდან კომპანიის წარმომადგენლის გამოსვლას და აქციის მონაწილეებისთვის შეხვედრის შესახებ ინფორმაციის მიწოდებას მოითხოვენ.
„ლიბერალი" მთავრობის პრესსამსახურს ესაუბრა, თუმცა, როგორც მათ გვითხრეს, შეხვედრის შესახებ ინფორმაცია ჯერჯერობით არ აქვთ.
მეშაქრეებმა ფეხით მსვლელობა აგარიდან 18 აპრილს, 12 საათზე დაიწყეს და 110 კილომეტრი დაფარეს. მათ დღეს თბილისში, ვარდების მოედნიდან მსვლელობა კანცელარიის მიმართულებით დაიწყეს.
კომპანია „აგარის შაქრის“ თანამშრომლები 6-თვიანი იძულებითი მოცდენის შემდეგ ქარხნის ამუშავებას და საკითხში მთავრობის ჩართულობას მოითხოვენ. ორთვიანი, 24-საათიანი, უშედეგო საპროტესტო აქციის შემდეგ, აგარელებმა საპროტესტო აქციის მთავრობის კანცელარიასთან გაგრძელება გადაწყვიტეს", - წერია აქციის ანონსში.