მთავარი პროკურატურის ინფორმაციით, კახეთში მესაზღვრის დაღუპვის ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
შემთხვევა დღეს, 20 აპრილს მოხდა. ლაგოდეხის მუნიციპალიტეტში, საზღვრის ე.წ. მეორე სექტორზე მესაზღვრე ცეცხლსასროლი იარაღიდან მიყენებული ჭრილობით გარდაიცვალა. საქმეს კახეთის პროკურატურის საგამოძიებო ნაწილი იძიებს.