სომხეთის ახალარჩეული პრემიერი სერჟ სარგსიანი და ოპოზიციის ლოდერი ნიკოლ პაშინიანი დღეს ერთმანეთს შეხვდნენ. თუმცა შეხვედრა რამდენიმე წუთი გაგრძელდა, სერჟ სარგსიანმა ოპოზიციის ლოდერთან საუბრის გაგრძელება აღარ ისურვა.
ოპოზიციის ლიდერის ნიკოლ პაშინიანის თქმით, ერთთადერთი რაზეც სარგსიანთან საუბარი სურს მას და დემონსტრანტებს, პრემიერის გადადგომა და ხელისუფლების მშვიდად გადაცემის საკითხია. პრემიერის პასუხი კი ამაზე იყო, რომ ასეთ შემთხვევაში დიალოგი ვერ შედგებოდა. რის შემდეგაც სერჟ სარგსიანმა შეხვედრა დატოვა.
სომხეთში აქციები გრძელდება. სერჟ სარგსიანის პრემიერად არჩევის შემდეგ მოქალაქეები ქუჩაში გამოვიდნენ და მისი გადადგომა მოითხოვეს. ათი დღეა აქციები მიმდინარეობს, რა დროსაც დააკავეს რამდენიმე აქციის მონაწილე.
ფოტო: azatutyun.am (RFE/RL)