„ვედროების აქცია ერევანში“- ასე უწოდეს ხმაურიან აქციას, რომელიც გუშინ ღამით, აქციის მონაწილეებმა სახლებიდან მოაწყვეს. ერევნის მთავარ მოედანზე აქციის დაშლის შემდეგ მათ პროტესტის ნიშნად სახლებიდან ხმაური დაიწყეს.
- ნახეთ ვიდეო
გუშინ სომხეთის ოპოზიციის ლიდერის, პაშინიანის დაკავების შემდეგ ერევანში აქციის მასშტაბი გაიზარდა. სხვადასხვა წყაროს მიხედვით, აქციაზე ასიათასამდე ადამიანი გავიდა. ერევნის ცენტრალურ მოედანზე შეკრებილი მოქალაქეები საღამოს 11 საათზე დაიშალნენ.
დღეს აქცია გრძელდება. დღეს დილიდან რამდენიმე უნივერსიტეტის სტუდენტები გაიფიცნენ და მსვლელობას აწყობენ ცენტრალური მოედნისკენ.
ადგილობრივი მედიის ცნობით, ადმინისტრაციული შენობებისკენ მიმავალი გზა პოლიციამ გადაკეტა.
ერევანში მოქალაქეები სერჟ სარგსიანის ხელისუფლებიდან წასვლას და გუშინ დაკავებული ოპოზიციის ლიდერებისა და აქციის სხვა მონაწილეების გათავისუფლებას მოითხოვენ.
გუშინ ამავე მოთხოვნით განცხადება გაავრცელა ერევანში ევროკავშირის წარმომადგენლობამ. მათ ხელისუფლებას დაკავებულების გათავისუფლებისკენ მოუწოდეს.
ფოტო: timenews.am