თავდაცვის ყოფილი მინისტრი ბაჩო ახალაია პოლკოვნიკ სერგო თეთრაძის წამების საქმეზე თბილისის საქალაქო სასამართლომ დამნაშავედ ცნო. მას 9 წლით თავისუფლების აღკვეთა მიესაჯა.
სასამართლომ დამნაშავედ ცნო ამავე საქმეში ბრალდებული ნიკოლოზ ძიმცეიშვილიც და 4 წლით თავისუფლების აღკვეთა მიუსაჯა.
პოლკოვნიკი სერგო თეთრაძე 2011 წლის სექტემბერში გარდაიცვალა. პროკურატურის ვერსიით, ახალაიას გეგმის მიხედვით, №8 საპყრობილეში მყოფმა პატიმრებმა საკანში სერგო თეთრაძის წინააღმდეგ ძალადობას მიმართეს. სერგო თეთრაძე წამების შედეგად გახდა ცუდად და გულსისხლძარღვთა მწვავე უკმარისობით, გონზე მოუსვლელად გარდაიცვალა. ბრალდების მხარის მტკიცებით, თეთრაძეს ქვეყნის საწინააღმდეგო ჯაშუშობის აღიარებს სთხოვდნენ.
