თბილისში, ჯავახიშვილის ქუჩაზე ფსიქოტროპულ აფთიაქს თავს დაესხნენ. შსს-ს ინფორმაციით, თავდამსხმელმა ცივი იარაღით მსუბუქად დაჭრა ქალბატონი, რომელიც აფთიაქში მუშაობს. მას სამედიცინო დახმარება აღმოუჩინეს და ამჟამად სახლშია გაწერილი.
როგორც „ლიბერალს“ შსს-ში განუცხადეს, თავდამსხმელი დაკავებული არ არის. მიმდინარეობს საგამოძიებო მოქმედებები და გამოძიება დაწყებულია სისხლის სამართლის კოდექსის 179-ე მუხლით, რაც 6-დან 9 წლამდე ვადით თავისუფლების აღკვეთას ითვალისწინებს.
