გარდაიცვალა მთარგმნელი დალი ფანჯიკიძე.
მისი თარგმანებიდან გამორჩეულია თომას მანის „ბუდენბროკები“ (1970), „ჯადოსნური მთა“(1978, 1984), „ყალთაბანდ ფელიქს კრულის აღსარება“ (1995); გოეთეს „პოეზია და სინამდვილე“ (2002); ჰ. ჰესეს „ფიქრი და განსჯა“ (1996); გრ. რობაქიძის ესე „ადოლფ ჰიტლერი უცხოელი მწერლის თვალით“ (2007) და სხვა.
დალი ფანჯიკიძემ 1959 წელს თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი დაამთავრა. იყო საქართველოს მეცნიერებათა აკადემიის ბიბლიოთეკის თანამშრომელი; 1961-1972წწ. თბილისის სახელმწიფო უნივერსიტეტის გერმანული ენის კათედრის მასწავლებელი, 1973-1993წწ. დოცენტი, 1993-1995წწ. პროფესორი, 1995-2005წწ. კათედრის გამგე.
დალი ფანჯიკიძე 81 წლის ასაკში გარდაიცვალა.