ვლადიმირ პუტინმა ფაშიზმზე გამარჯვების დღესთან დაკავშირებით მილოცვის განცხადება გაავრცელა. რუსეთის პრეზიდენტის განცხადებით, „დიდ სამამულო ომში“ გამარჯვება ერების ერთად დგომისა და გმირობის სიმბოლოა, რომელმაც იხსნა კაცობრიობა ფაშიზმისგან. მან გამარჯვება მიულოცა დსთ-ს წევრი ქვეყნების, ოკუპირებული სამხრეთ ოსეთისა და ოკუპირებული აფხაზეთის ლიდერებს და მათთან ერთად ქართველ და უკრაინელ ხალხს.
„ვულოცავ დიდ სამამულო ომში გამარჯვების 73-ე წლისთავს აზერბაიჯანის, სომხეთის, ბელორუსის, ყაზახეთის, ყირგიზეთის, მოლდავეთის, ტაჯიკეთის, თურქმენეთის, უზბეკეთის, აფხაზეთისა და სამხრეთ ოსეთის ლიდერებს, მათთან ერთად ქართველ და უკრაინელ ხალხს“, - წერია კრემლის განცხადებაში.